LAS PINTAS ETA LLERENES SALAMON-TIK

CASTELLANO

Ibilbidea deskribitu baino lehen paisai honen edertasuna goraipatzea gustatuko nuke. Pagadiaren hostozabaltasuna, mendi-zelaiak eta erratz eta errukien azpiko mendia paisaian gailentasun handiko kareharriekin kontrastatzen dira. Kolofoi gisa, gailurrek estanpa bakarra eskaintzen dute. Kantabriar mendikateak inguratzen gaitu: Carrión Handia, Ponga, Peña Ubiña, Europako mendiak eta, jakina, Riañoko mendiak. Hariztiak eta pagadiak, non hartzek eta otsoek oraindik babesleku aurkitzen duten, mendi horien oinarria estaltzen dute. Riañoko urtegiak, gure oinetan, bisten polikromia eta aniztasuna areagotzen ditu.

Ipar-ekialderantz zuzentzen den pista batetik Salamon-tik (1080 m) atera ginen. Las Pintas eta LLerenes arana menperatzen dute. 1’5 km-ra harri pilo batek desbideratze bat eskuinera adierazten du basoan sartzeko. Xendrak basoa zeharkatzen du eta Las Pintas eta Peña LLuezaren arteko mendilepora ateratzen da (1480 m). 

Basoa atzean geratzen da, belardiak eta sasiak ordezten dute. Las Pintas-ko hegoaldearen azpitik jarraitzen dugu (E), xendra, mugarriak jarraituz, paretatik igotzen den arte (I). Bi tontorren, mendebaldekoaren eta ekialdekoaren arteko kordalera iristen gara, altuena den mendebaldekotik hurbilago gauden arren. Gure ezkerretara (M) goaz. Bertan, trepada erraz bat aurkitzen dugu, baina aire pixka bat, mendebaldeko tontorrean (1989 m) jartzen gaituena.

Ertzari jarraituz jaisten gara (M), baina metro gutxiren buruan horma bat topatzen dugu, ekialderantz biratzera behartzen gaituena eta gero berriro mendebaldera, arazoa saihesteko. Ertzera itzuli eta ipar isurialdea jaisten duen kanal erdi belar-belar baten bila gabiltza. Kanala  Las Pintas y Llerenes-en tarteko Artzainen lepoan amaitzen da (1580 m).

Lepotik ipar-mendebaldera egingo dugu Llerenes hegoaldeko ezkerreko aldetik igotzeko. Arroken artean belar-guneak aprobetxatuz igo eta mendira itzuli gara. Zelai bat gainditu eta ipar aurpegiaren azpian lepo bat hartu. Mugarriak gailurrera eramaten gaitu (1895 m) baina eskuak, erraz samar, erabili behar dira.

Lepora jaitsi berriro eta oraingoan Salamonen amaituko den pista (HM) hartuko dugu.

DATUAK

DISTANTZIA: 11,09 KM

DESNIBEL: 1249 M

GPSRAKO TRACK

IBILBIDEAREN ARGAZKIAK

GALLARRAGA LA CUADRATIK

CASTELLANO

La Cuadra-ko dorrean ibilbidea hasi genuen (60 m). P.R.BI 108 “Pagero” adierazten duen zutoi batek bidearen lehenengo zatia markatzen digu. Errepidearen azpitik pasatu ginen eta ipar ekialdera metro batzuk bideratu ginen. 

Baina berehala bidea norabideaz aldatzen da (HE) eta pinudi batean sartzen da, aldapa pikoa igoz, bidegurutze batera heldu arte (354 m). Puntu honetan P.R. utzi genuen eta eskuinera jo genuen (HMH). 250 metrora harri-pilo batek hartu genuen ezkerretarako sahiesbide bat adierazten du. Aguilatos eta Gallarragaren arteko mendi lepo batera ailegatu ginen (652 m) eta orduan hegoekialderantz zuzendu ginen, ezkerreko xendratik, Gallarragaren iparmendebaldeko ertzaren azpian iritsi arte. Bideak mendia inguratzen du eskuinetik baina 400 metrora, gutxi gorabehera, bidezidor batek zuzenki malda igotzen du  menditontorrera heltzeko.

Jaisteko gandorra jarraitu genuen (E) Pagero mendi lepora jaisten den tximiniaren jaitsiera aurkitu arte. Gu pasatu ginenean ez zegoen sokarik ezta katearik ere. Tximiniaren jaitsiera hasten den lekua ez dago agerian, bilatu behar da.

Behin mendilepoan (800 m) Pagero mendira zuzendu ginen, baina igoera hasi baino lehen altzifreen artean ezkerretik jaisten den pista (IM) hartu genuen. Berriro P.R.-ko marrak zuri eta horiak aurkitu genituen baina orain P.R. jarraitu genuen bidea amaitu arte. Ibilbidearen zati honetan altzifreak, pinu gorriak, hurritzak eta gaztainaondoak ikus daitezke.

DATUAK

DISTANTZIA; 12,31 KM

DESNIBEL: 890 M

IBILBIDEAREN ARGAZKIAK

GPSRAKO TRACK