Ibilbideak, azken elurteak aprobetxatuz, Guzmantarako mendien bi tontor zeharkatu nahi zituen, Nevero del Polluelo eta La Churra, Burgosko iparraldean. Hala ere, lainoak eta GPSaren akats batek bidea bukatutzat ematera behartu gintuen La Churra gailurrera iritsi baino metro batzuk lehenago. Nolanahi ere, merezi izan zuen ibilbideak. Erraketak atera eta neguko ibilaldiaz gozatu ahal izan genuen.
Iparralderantz abiatu ginen. Quisicedoko azken etxea (720 m) igaro ondoren, 4 km-tan zehar iparmenbalderantz doan pista bat hartu genuen, El Neverón del Poyuelotik Sotoscuevara jaisten den mendilerroarekin bat egin arte. Mendilerroan (1210 m) norabidea aldatu iparekialderantz eta denbora gutxian Neveron gailurra (1515 m) zapaldu genuen.
Kordaletik jarraitu genuen norabidea galdu gabe, el Nevero del Polluelo eta la Churra bereizten dituen lepora (1420 m) iritsi arte. Lainoa trinkoa bihurtzen ari zen eta, une horretan bertan, GPSa itzali egin zen. Gure aztarnetara itzultzea erabaki genuen. Pena, Churrako azken pala bakarrik geratzen zitzaigulako gailurrera iristeko, hirurogei bat metroko desnibel positiboa. Berriz izango da.
GPSaren datuek ondo marrazten dute ibilbidea, baina ez dute distantzia eta itzuleraren desnibel positiboa erregistratzen, joaneko datuak baino ez dira.
DATUAK
DISTANTZIA:9,7 KM
DESNIBEL POSITIBOA: 798M
(Datuak joanekoak dira).
