SAN LORENZO VALDEZCARAY ESKI-ESTAZIOTIK (2. ATALA)

CASTELLANO

Ibilbide hau ez da berria Txokomendin. Iaz ibilbide antzekoa egin genuen (esteka), nahiz eta berdina ez izan.

Valdezkaray eski-estzioaren parking-ean ibilbidea hasi genuen (1540 m). Mendebalderantz zuzendu ginen LR 416 errepidetik, elurrez erabat estalita. Bideak bihurgune batzuk egiten ditu eta bi ta erdi km eta gero hegoekialdera biratzen du. Biraren ondoren metro batzuk aurrerago pista bat hartu genuen (HE), Colocobia muinoren azpitik pasatuz, Colocobia erremontearen goiko estaziora (1964 m) zuzentzen dena, LR 416 errepideak hegoalderantz jotzen duen bitartean. Tarte honetan, mendebalderantz begiratuz, Demanda mendilerroaren gailur batzuk ikusi ahal izan genituen: Gabizelaya, Campos Blancos, Otero, Escorlacia, Cruz de la Demanda.

Erremontean kranpoiak jantzi genituen San Lorenzoren iparmendebaldeko maldak izoztuta zeudelako. Hegoekialderako norabidea mantendu genuen eta 300 metroko desnibel gainditzen duten malda pikoak igo genituen gailurra lortu arte (2275 m).

Jaisten hasi ginen (IE) Campos Blancos erremontearen goiko estaziora arte. Jaisten ginen bitartean Cabeza Pardak, Cuñak eta Guilicerrak osatutako kordala begietsi ahal izan genuen. Erremontearen izena daukan eski-pistatik jaisten jarraitu genuen, eski-estazioko ekialdetik. Pistak ezkerrera biratzen duen momentuan atera ginen eta jarraitu genuen mendian zehar (M) eski-estazio nagusira arte, eta hemendik parkingera.

DATUAK

DISTANTZIA: 9,44KM

DESNIBEL: 769 M

IBILBIDEAREN ARGAZKIAK

GPSRAKO TRACK

SAN LORENZO VALDEZCARAY ESKI-ESTAZIOTIK

CASTELLANO

Mendira igotzeko asteburuko eguraldia ez zen oso egokia. Larunbat osoan zerua goibel egon zen, San Lorenzo mendia odeiek estalita zegolarik. Euria ez zuen egin baina hezitasuna gehigizkoa izan zen, busti-busti egin gintuen eta guzti, gainera 100km/orduko haizeteek ez ziguten uzten tontorrera ailegatzen. Igandean oskarbi agertu zen, eta oraindik 40-50km/orduko haizeteak izan arren, lortu genuen. Hala ere, berandu egin zen eta ezin genuen osatu pentsatu genuen ibilaldia, gertuko mendiak kateatzen dituena. Guztira 7,5 km ibili ginen eta 748 m desnibel igo genuen .

Eski-estazioaren parkingetik atera ginen, ekialdeko eski-pistak eta teleaulkiak jarraitu genituen tontorrera arte. Eski-pistek marrazten duten siga-saga ibili ginen. Lehenik ekialderantz, teleaulkia-estaziora iritsi arte, hemendik hegoalderantz zuzendu ginen teleaulkien lerroaren azpitik. Lehenik iparekialderantz zuzentzen den pista batera heldu, gero norabideaz aldatu zen hegoamendebalderantz, goiko eski-estaziotik pasatuz, gailurrera arte. San Lorenzo (2271m). Azken aldapa, eskiatzeko azpiegiturik gabekoa, oso aldapatsua da.

Iparmendebaldeko aldetik jaitsi ginen mendebaldeko eski pistak aurkitu arte, gero iparekialderantz jo genuen parkingera heldu arte.

IBILBIDEAREN ARGAZKIAK

GPSRAKO TRACK