Mount Ollivier, Aoraki/Mount Cook-en behatokia

CASTELLANO

Altitudea:   1933 m

Tartea: 1200 m

Sailtasuna: F

Ordutegia:   2.45 o.

kokapena: Zeelanda Berriko Alpeetan

Aldeko mapa besterik ez dugu ikusi behar Mount Ollivier, Zeelanda Berriaren mendirik garaienaz gain, inguruko glaziarrak eta gailurrak (argazkia) begiesteko leku egokienetako bat dela ohartzeko. Aoraki/Mount Cook Village-tik hurbiltzerakoan bide balizatua ordu erdiz jarrai dezakegu edo akanpaleku batera eramaten duen pista autoz ibili. Ibilbidea hasterakoan (750 m), Mueller Hut-erako bidetik, kartel batek adierazten digu 3 ordu joan eta etorria Sealy Tarns balkoiera eta 3 ordu aterperaino. Hasieraren zatiak landarez betetako malda aldapatsua igotzen du, 1800 egurrezko mailez hornitua (argazkia). Ibilbide bihurgunetsutik gora egiten, eskailerak Sealy Tearns muinean amaitzen dira (1250 m) (1.10o.), Mount Sefton-ko serac-en azpian kokatuta Aoraki/Mount Cook-aren ikuspegi zoragarria dauka baita bailara osoarena ere (argazkia).

Hurrengo zatia malda ezinegona da eta harrizko urratz batzuekin. Gorako elurtegiak gaindituta goi-lautada baten zubira ateratzen da (1700 m) ( 2.10o.) nondik Mont Sefton-ko ekialdeko aurpegiaren serac-en ikuspegi izugarriak ikusten diren, behean Muller Glaziarren ibai izoztua dabil bitartean (argazkia). Harrien artetik Sealy Range gandorra ingurutzen, aterpea agertzerakoan, elurtegi leunetatik jarraitzen da Mueller Hut-araino (1800 m) (2.30o.). Gas, sukaldeko tresnak, jantoki eta logelak koltxonez hornituta. Nahiz eta jagon izan Zeeland Berriaren aterpeek ez daukate sukaldaritza, beharrezkoa da janaria eta lo egiteko sakua, burusirik ez dagolako, eramatea. (argazkia)

Tontorra lortzeko, aterpearen atxetik, granito blokez egindako gandorra igotzen da Mount Olliver-ren gailurraren harrietara ailegatu arte (1933m) (F) (2.45o.) (argazkia). Gailur honetatik ikus daiteke Mount Sefton (3157m) (argazkia) eta Aoraki Mount Cook (3754 m), ikuspegi paragabea, Zeelanda Berriaren tontorrarik altuenean hegoaldeko sorbatz zorrotza eta mendebaldeko aurpegiaren serac zintzilikatuak nabarmenduz. (argazkia).

Luis.

IBILBIDEAREN ARGAZKIAK